Comezamos en Patos onde puidemos ver os vestixios dun depósito sedimentario sobre o sustrato metamórfico que caracteriza este lugar.
Dende alí avanzamos pola costa e dende Porbecelo puidemos ver a plataforma de abrasión que o mar ten erosionado e onde se ve claramente a orinetación da rochas metamórficas da banda esquistosa Monteferro-O Rosal.
Xa no Patín da Meda observamos o contacto entre as rochas metamórficas e plutónicas máis occidentais.
Dende aquí subimos ata as Pinisas Grandes onde puidemos describir a xeomorfoloxía da costa desta zona sur da provincia de Pontevedra.
Baixamos á Punta Mexilloeira e onde observamos o comezo da serie metamórfica en rochas que datan do Cámbrico. Dende aquí avanzamos e paulatinaente fomos pasando polas distintas formacións rochosas cara ó Ordovícico.
En Seixos Negros e tal e como o seu nome indica vimos un dique de rochas ultrabásicas.
Finalmente en Arribas Brancas vimos un contacto intrusivo de aplita.
Ningún comentario:
Publicar un comentario