xoves, 16 de decembro de 2021

Estudo da topografía da praia e do ecosistema dunar


O pasado 11 de decembro o alumnado da materia de Bioloxía e Xeoloxía de 4º de ESO realizou un traballo de campo co obxectivo de estudar o perfil topográfico da Praia e a distribución das especies vexetais dunares en función das súas características adaptativas, no concello de Nigrán.

Para coñecer a evolución do perfil de Praia ó longo do ano, un grupo de alumnas e alumnos levantaron un perfil topográfico da Praia de Nigrán empregando un nivel óptico. Mentres tanto, o resto do alumnado estudou a distribución da vexetación dunar ó longo dun transecto perpendicular á línea de costa. Delimitáronse cadrados de 1x0,5 metros ó longo do transecto e en cada cadrado anotouse a porcentaxe de cobertura de cada unha das especies identificadas. Para controlar os factores ambientais, medíuse o pH e a temperatura en diferentes zonas da duna.

Os resultados ainda en elaboración presentatranse despois das vacacións de nadal.

O estudo realizado forma parte das actividades do Departamento de Bioloxía e Xeoloxía dentro do proxecto “Achegándonos á Natureza” que se desenvolve ó abeiro do Plan Proxecta dentro da liña de paisaxe e sustentabilidade, no que participan ademáis o alumnado de 3º de ESO e 1º de bacharelato.

A actividade estivo monitorizada polos profesores do departamento María Victoria Villar e Juan Hermida.












luns, 27 de setembro de 2021

Charla dentro do ciclo G-Night

 


O pasado venres, 24 de setembro, o alumnado de 2º de bacharelato da materia de Bioloxía asistíu á charla “A cara oculta do xenoma, as enfermidades raras” impartida por Mauro Lago Docampo, investigador do CINBIO (Centro de Investigacións Biomédicas) da Universidade de Vigo.

Na charla abordouse o xeito no que se estudan os efectos das mutacións xénicas na determinación dalgún tipo de enfermidades.

A charla enmárcase dentro da “Noite Europea das persoas investigadoras”, un ciclo de actividades coordinadas pola Universidade de Vigo que pretende achegar a ciencia á cidadanía. Podes atopar máis información aquí





xoves, 17 de xuño de 2021

Estudo do intermareal rochoso de Monte Lourido (Nigrán)

Aproveitando a baixamar, o alumnado de 1º de bacharelato que cursa Bioloxía e Xeoloxía realizou unha saída o venres 27 de maio para estudar a biodiversidade do intermareal rochoso de Monte Lourido.


Organizados en pequenos grupos de traballo, algunhas alumnas levantaron o perfil topográfico do intermareal, empregando un nivel óptico.



Outros fixeron un inventario das especies nas diferentes zonas do intermareal (intermareal superior, medio e inferior) co obxectivo de comparar como varía a comunidade de seres vivos en función das condicións ambientais de cada zona.













Realizouse un perfil topográfico do transecto estudado.



Xornada de eliminación de especies invasoras no ecosistema dunar de Nigrán

O 27 de maio, alumnado de 4º de ESO que cursa a materia de Bioloxía e Xeoloxía realizou unha actividade de eliminación de especies invasoras no complexo dunar de Nigrán.

A primavera é o momento idóneo para controlar a dispersión das especies vexetais invasoras pois procedendo á súa eliminación en época de floración, evítase a dispersión das sementes, o que contribuiría a agrabar o problema.

No complexo dunar de Nigrán atópanse principalmente 3 especies vexetais invasoras:  Arctoteca calendula (margarita africana), Conyza canadensis e Cortaderia selloana (herba da pampa).

 Arctoteca calendula

 Conyza canadensis
 Cortaderia selloana

A presencia de especies invasoras constitúe a día de hoxe un problema medioambiental de caracter global. A mobilidade asociada ás viaxes e o tráfico de mercadurías a nivel global facilita a dispersión de diversas especies que irrumpen nos ecosistema desequilibrándoos. As especies invasoras son unha das principais causas da desaparición da biodiversidade.

Podedes atopar máis información sobre as especies invasoras en Galicia seguindo este enlace.