O pasado 26 de febreiro o alumando de terceiro de ESO do IES Val Miñor participou nunha xornada de educación e sensibilización ambiental, organizada polo Departamento de Ciencias Naturais do IES Val Miñor, no marco do Plan Proxecta e co apoio do Concello de Nigrán.
Durante a mañá, 52 alumnos e alumnas, acompañados de 5 profesores, organizáronse en grupos e distribuironse en 4 zonas de traballo, comprendidas entre a desembocadura do río Muíños e Monte Lourido, co fin de recoller o lixo existente dende a liña de marea ata o complexo dunar.
O lixo recollido foi clasificado nunha planilla onde os residudos se agruparon según o tipo de material do que están feitos e a súa orixe (plástico, metal, madeira, material de construcción, textil, goma, etc). As bolsas co material recolectado foron retiradas por persoal do Concello ao final da mañá.
Unha análise preliminar dos datos amosan que a meirande parte dos resiudos son de material plástico e que gran parte deles son plásticos de pequeño tamaño, aínda que tamén se atoparon moitos restos de material de construcción, partes de aparellos de pesca e toalliñas hixiénicas. Entre os resiudos de maior tamano apareceron cordas, redes e pallets.
Á súa vez, aproveitouse a xornada para que o alumnado aprezara a presenza de seres vivos ou dos seus rastros sobre a praia, mesmo enredados no lixo, poñendo en evidencia o feito de que a praia é un ecosistema que sofre unha forte presión debido ás actividades humanas.
Os datos recopilados foron analizados polo alumnado e expostos no Instituto co fin de divulgar os resultados e concienciar a toda a comunidade educativa da importancia de coñecer e respectar o noso entorno natural. Cos datos obtidos confeccionouse o seguinte póster:
